اسعار من البازعي ستة سلندر

قطع الغيار .والاشياء المهمه اللي تحتاج تغير اذ وصل موترك 89 الف لا اصحاب السته سلندر

طبعا للمعلوميه انا من يوم طلعت موتري ماعمري رحت للوكاله لاني ماني مقتنع بالوكاله خير شر . وغير ان القطع المستهلكه اللي فيها تجاريه مو اصليه . يعني الوكيل قدر يلعب بالاكسسورات حقت المفخره مو عاجز يلعب بقطع الغيار . المهم
مع العلم ان موتري وارد اليحي
طبعا كل هالفتره اغير زيت المكينه والفلتر وغيرت مره وحده فلتر الهوا

السبب اللي خلاني افكر بتغير وتشيك موتري انه موتري ماشي الي الحين 89 الف
تغير بسيط بالعزم. واكثر شي ابي اشيك عليه عشان الشتاء قرب وجاء وقت طلعات البر وابي موتري يكون جاهز من بداية الشتاء ان شاءلله بأذن الله
شار علي الذيب موافي صديقي العزيز :d
اني اروح للبازعي . طبعا مانسى الشباب اللي شارو علي مثل بو خليفه وسلطان الدمام وغيرهم الله يجزاهم خير.
رحت للبازعي وسعرت القطع اللي عندهم وشيكو تشيك سريع على موتري
وصراحه استغربت من غلاء شغل اليد حقهم . والقطع سعرها معقول
مع العلم وعلى كلامهم انه القطع حقتهم يجيبونها من اليابان مو من ابو جميل

بكتب لكم بعض القطع اللي استفسرت عنها وسعرها بعد الخصم

سير المكينه طبعا سير واحد بس سعره 360 ريال
بواجي 80 ريال
صفاية بنزين 130
شبك امامي 800 ريال . الشي الغريب لقيت واحد معه جي اكس ار 2007 يبي يشري شبك قالو له 3200 ريال وربي اني انا انصدمت قلت ليه سعر كذا قالو عشان شكله غير قلت انا موتري جديد وهو قديم وسعر شبك موتري 800 . صراحه شي يضحك ويقهر بنفس الوقت .طبعا شبكه اللي مانزل الا في 2007 اللي فيه تقريبا مربعات

صدام خلفي 550 ريال
صدام امامي 500
فحمات اماميه 250 فحمات خلفيه 190
مساعدات خلفيه 190 ريال
فلتر هوا حق المكينه 105 ريال
فلتر زيت 15 ريال
فلتر المكيف 170

الشي الغريب انه شغل ايدهم اغلى من قطع الغيار مثلا
تغير فحمات خلفيه 180 ريال الغريبه اني قبل كم شهر مغيرهم وخارط الهوب
وزن الجلنط 60 ريال . لان الجلنط عندي مايمسك زين
تغير المساعدات الخلفيه 240 ريال وسعر المساعدات 190 ريال
تغير البواجي 120 مع العلم ان سعر البواجي 80 ريال

طبعاانا ماراح اسوي شي عندهم بروح للصناعيه مخرج 17 وقبل لا اروح بسأل عن الورش الزينه مليون بالميه شغلهم ارخص بنص القيم وقدام عيني بعد
انا ماعندي مشكله بموتري ولا اشكي من شي ولله الحمد بس قلت بشيك عليه وطلعت كل هالسوالف
طبعا اللي شفته بعييني ان المساعدات الخلفيه تهرب زيت وشكلها مفقعه ومالومها لاني انا رجلي ثقيله على الموتر والمطبات اخذها سفري
وهذي كل السالفه حبيت انقل لكم وش صار عشان يستفيد غير ويكون عنده علم قبل لايروح للبازعي

وفيه نقطه استغربت منهم تذكرون الشكل القديم فيه فرق بين المساعد حق الفي اكس ار والجي اكس ار . 2007 وتحت

سألتهم قلت ابي مساعدات في اكس ار قالي هي نفسها
انا مستغرب شلون تصير نفسها لو تلاحظون الفي اكس والجي اكس ار 8 سلندر مرتفع ارتفاع واضح بالنسبه للسته سلندر
فمادر ي وش سبب هالارتفاع طبعا بالشكل الجديد

مشكور لان الكامري حقتي خربانه وبقطع غيارها تعال! انا عندي كامري؟
او كرسيدها